REVISTA ESCOLAR DIXITAL

Aquí está a ansiada revista. Graciñas por colaborar na súa creación. Esperamos que todas e todos a disfrutedes!

BO VERÁN!!!

REVISTA CORTEGADA 2019

O mellor irmán do mundo mundial.... ten síndrome de Down. Cómic

O EDLG do CEIP Rosalía de Castro conxuntamente co alumnado de PT, traduciron ao galego este texto de Txiki Trepax -editado por Down España e a Fundación Inocente, Inocente-, que naceu para sensibilizar os irmáns máis novos respecto da síndrome de Down e que pon de manifesto os aspectos positivos de ter un irmán ou unha irmá con esta síndrome.

ENLACE AO RECURSO:

http://www.lingua.gal/recursos/todos?content=/Portal-Lingua/Contido/recursos/equipos-dinamizacion/contido_1134.html

Gozamos coa obra "BOAS NOITES"

As nosas mestras e os nosos mestres actuaron no cole para nós, posto que somos un público excepcional.

Que ben o pasamoooosss!

PUBLICAMOS NO ENÓRMIC BANDA!

Os comics “A casa bonita” de Alicia Cores Iglesias (4º de EP) e “O Achado” de Manuel Santiago Míguez (3º de EP) foron seleccionados, conxuntamente con outros 23 traballos, para seren publicados na revista Enórmic Banda; polo que estes rapaces asistiron ao acto de presentación da publicación no IES Miguel Ángel González de Carril. Alí puideron coñecer persoalmente á artista Afra Torrado e escoitar a Antón Blanco que lles falou desde Barcelona.

Ao acto acudiron representantes dos numerosos centros da comarca que participaron nesta revista; institutos de Cambados, Vilanova de Arousa, Mosteiro-Meis, Barro e -como non- de Vilagarcía de Arousa.

Alicia e Manuel foron especialmente destacados neste acto, posto que foron os únicos de Educación Primaria que -este curso escolar- participaron na publicación. Dita revista se ven publicando desde o 1996, pola Coordinadora de Equipos de Normalización Lingüística dos Institutos do Salnés.

Moitas grazas a todas/os as/os que enviáche-los vosos cómics, eran realmente bos; mais por falta de espazo non puideron ser todos publicados.

Parabéns aos dous agraciados! Sodes uns artistas!

Día das Letras Galegas 2019

No noso cole celebramos o Día das Letras Galegas que é un día de exaltación da lingua de Galicia a través da súa manifestación literaria. Comezou a celebrarse o 17 de maio do 1963, coincidindo co centenario da primeira edición de Cantares galegos, da nosa Rosalía de Castro.

Celebrámolo cantando e tocando, grazas á animación do alumnado de 5º EP, 1º EP e EI.

As nenas e nenos de 6º EP faláronnos da vida de Antón Fraguas, pois este ano o día das letras venlle

dedicado.

Cabe destacar que polo de agora, nas 57 edicións do Día das Letras Galegas, tan só foron homenaxeadas 4 mulleres fronte a 55 homes. Esperamos que esta situación mude, posto que non dubidamos da valía de todas aquelas escritoras que polo de agora non foron recoñecidas.

O maio, maíño, maio.

Como é preceptivo, en boa parte de Galicia e Portugal todas as vésperas do primeiro de maio colocamos un ramalliño de xestas nas portas e nos carros ( os coches actuais 😊)
Un equipo de activistas da tradición Galega, e máis alá, repartiron hoxe polas aulas do cole os ramalliños para conmemorar esta festividade do calendario céltico de gran influencia nos países atlánticos.
E como vedes nas fotos, moitas non quixeron perder participar na celebración:

 

Segundo conta o antropólogo Rafael Quintía. "Antigamente adornábanse as portas, as xanelas e os carros, pero loxicamente  adaptouse aos  tempos e agora lévana tamén os coches".

"Trátase dunha festa que celebra o esplendor da primavera: os días medran e o tempo é máis benigno. É unha celebración asociada á rexeneración da natureza", explica . É unha festividade máis ligada co ciclo agrario: "Funciona como esconxuradora do mal. Críase que había que collelo antes de que saíra o sol e que protexe a bonanza das colleitas. Dicíase tamén que quen non o poñía pasaba o ano amaiado, apampado, molido". É un rito "protector e propiciatorio".

Os maios e as maias espallando  ramallos

E para rematar unha fermosa canción, con letra do poeta Manuel Curros Enríquez, que fala da chegada  do mes de maio

O concello regaloulles a todo o alumnado de terceiro, un exemplar do conto "A detective Peregrina e o insólito caso de Antón Fraguas"; ademais dotou á biblioteca dun CD "Homenaxe aos Campaneiros de Vilagarcía".

CONTACONTOS EN INFANTIL

Os nenos, nenas, nenes,... do noso CEIP puideron desfrutar dos contos con Celtia, co seu novo espectáculo escénico acompañada da monicreque Rosi. A actividade estivo baseada no Audiolibro CANTAMOS? do que Celtia é a autora dos textos.
Tratouse dun espectáculo de monicreques onde Rosi, que é unha gran fan da música e dos contos, fixo de fío conductor para unha morea de historias que lles encantou ao público. Os tres porquiños e o lobo que os quería comer, o marqués de carabás, un gato con botas sen igual,... E moitas máis!!!
A sesión resultou ser unha ferramenta inclusiva e integradora dun xeito lúdico e educativo, estimulando a imaxinación das rapazas e rapaces.

CERTAME DE RELATO CURTO

A alumna Mariña Alonso de 5º A participa no VII certame de Relato Curto co seu relato "Cumprindo o meu soño". Moita sorte!

Marcha Mundial polo Clima no cole

Estamos preocupad@s. E non é para menos. As noticias sobre o estado de saúde do noso planeta son cada vez máis preocupantes. Por iso, o pasado 15 de marzo, os alumnos e as alumnas de quinto curso decidimos participar dalgún xeito na manifestación que todos os venres se ven levando a cabo por parte dos estudiantes dos institutos e colexios de Europa.
Aquí tedes un enlace (tedes que clicar)  para saber máis:  #fridayforfuture

E aquí unhas fotos de como fomos preparando o noso  #fridayforfuture

No blog de VozNatura do cole tamén tedes información:  VozNatura do Cole de Carril

Entroido Galego

O Entroido xa rematou, pero os alumnos e alumnas de 5º nivel queren nos mostrar o mapa do Entroido de Galicia no que estiveron traballando.
Aínda quedan moitas máscaras por colocar porque tantas son coma parroquias hai en Galicia ou, polo menos, en Ourense onde se celebra un dos Entroido máis singalures do mundo.

E viva o Entroido!

VISITA AO PARLAMENTO E XUNTA DE GALICIA

O pasado venres 15 de febreiro as alumnas e os alumnos de 5º desprazáronse ata Santiago para visitar o Parlamento e a Xunta de Galicia.
Alí foron recibidos polos guías que lles mostraron as distintas dependencias e o funcionamento destas dúas institucións.
Aprenderon moito das súas funcións e mesmo recrearon debates de varias propostas de lei. Esperemos que pronto sexan aprobadas!😉

Deixamos algunhas fotos e esperamos ir poñendo algunhas máis.

CHEGA O ENTROIDO!

E COS MANDADOS DO MECO XUNTOS IMOS GOZAR...

EEI ENVÍANOS UNHA MENSAXE EN PROL DO GALEGO...

... POIS O GALEGO É UNHA LINGUA MOI MODERNA.

EN GALEGO! XA! SÍ!

EEI CONMEMORANDO O DÍA DE ROSALÍA DE CASTRO

A AULA DE 1º EP FÁLANOS DE ROSALÍA - 24 DE FEBREIRO DO 2019

FAI CLICK NESTE ENLACE:

VÍDEO SOBRE ROSALÍA DE CASTRO -1 º

5º A INFÓRMANOS NO DÍA DE ROSALÍA DE CASTRO

VÍDEO DE 5º A: #LibreOMeuPensamento_rdc_19

5º B CELEBRA O DÍA DE ROSALÍA DE CASTRO

VÍDEO E CARTAZ DOS XORNALISTAS DE 5º B:

#LibreOMeuPensamento_rdc_19

4º EP PRESENTA OS SEUS TRABALLOS SOBRE O DÍA DE ROSALÍA DE CASTRO

CARREIRA SOLIDARIA DA MAN DA ONG SAVE THE CHILDREN

NOTICIA NO FARO DE VIGO

NOTICIA NA VOZ DE GALICIA

CELEBRAMOS O DÍA DE SAN VALENTÍN!

CONCURSO BALBINO DE RELATOS. Pincha aquí para ver as bases.

BASES DO XXIII CERTAME DE POESÍA “FRANCISCO AÑÓN”

Poderán participar todas as persoas interesadas, de calquera nacionalidade, que presenten os orixinais escritos en lingua galega. Os textos deberán ser inéditos e non premiados noutros concursos.

CONVOCATORIA ENÓRMIC BANDA

O PORTAL DA LINGUA GALEGA 

A escola é un dos primeiros espazos onde o individuo se forma en todo tipo de aprendizaxes e materias entre as que cobran especial relevancia as linguas. Desde as etapas máis temperás o alumnado irá adquirindo unha maior competencia lingüística e mellorando as destezas comunicativas que lle serán fundamentais para o seu desenvolvemento integral, tanto dende o punto de vista académico como persoal. O sistema educativo deberá garantir, logo, o dominio das linguas oficiais de Galicia, galego e castelán, e favorecer o coñecemento de linguas estranxeiras, tan necesario na sociedade multicultural e globalizada en que vivimos.

Decreto 79/2010